"Barselona" hujumchisi Robert Levandovskining narxi juda tez pasayishda davom etmoqda.

"Transfermarkt" portalidagi so'nggi yangilanishlarga ko'ra, polyak yana 10 million evro narxini yo'qotdi va endi uning narxi 20 million evroga baholanmoqda. Bir yil avval – 2022 yilning noyabrida Levandovski 45 million evroga baholangandi. O'shandan beri yulduz forvard allaqachon uch marta - 40, 30 va hozir 20 ga narxi tushdi. Robert Levandovskining transfer qiymati 2018 yilda eng yuqori cho'qqiga chiqdi. O'shanda polshalik hujumchi 90 million evroga baholangandi.

2023/2024 yilgi mavsumda Robert Levandovski 21 ta o'yin o'tkazib, 9 ta gol urdi va sheriklariga 5 ta golli uzatma berdi.