"Sevilya" hujum chizig'ini mustahkamlamoqchi.

TodoFichajes xabariga ko'ra, Andalusiya klubi "Barselona"ning sobiq hujumchisi Martin Breytueytni sotib olishi mumkin.

Martin hozirda Ispaniya futbolining ikkinchi oliy divizionida o'ynaydigan "Espanol" jamoasi sharafini himoya qiladi.

2023/2024 yilgi mavsumda 20 ta o'yinda 32 yoshli hujumchi 9 ta gol urgan. Nufuzli Transfermarkt portali ekspertlari Martin Breytueytni 3,5 million evroga baholamoqda. Eslatib o'tamiz, “Sevilya” hozirda Ispaniya chempionati turnir jadvalida atigi 15-o'rinni egallab turibdi. Jamoa pastga tushib ketish zonasidan atigi uch ochko oldinda.