Madridning “Real” klubi yarim himoyachisi Jud Bellingem o'tgan yilgi eng sevimli lahzasi qaysi bo'lganini aytdi. Eslatib o'tamiz, yozda 20 yoshli ingliz futbolchisi 103 million evro evaziga “Santyago Bernabeu”ga ko'chib o'tdi va Dortmundning “Borussiya” klubi tarixidagi eng qimmat sotuvga aylandi.

“O'tgan yildagi eng sevimli lahzam? Katta ehtimol bilan "El-Klasiko". Bu juda og'ir o'yin bo'ldi, lekin men ikki vaziyatdan unumli foydalanib, jamoamga g'alaba keltira oldim", - deya Bellingem so'zlaridan iqtibos keltiradi Madrid Zone.

Eslatib o'tamiz, Jud o'z hisobiga 13 ta gol yozdirib qo'ygan holda La Liganing eng yaxshi to'purari hisoblanadi.