«Barselona» yarim himoyachisi Lamin Yamal Ispaniya kubogining 1/16 final bosqichidan o'rin olgan «Barbastro»ga qarshi o'yinda ishtirok eta olmaydi. Yamal o'tgan mavsumda "Barsa" yoshlar jamoasi safida Ispaiya kubogi o'yinidan to'g'ridan-to'g'ri qizil kartochka olib, maydonni tark etgandi. Buning oqibatida u ikkita o'yinga diskvalifikatsiya qilingan bo'lib, jazo chorasi asosiy jamoaning Ispaniya kubogidagi bahsiga ham ta'sir qiladi. Yamal «Barselona» tarbiyalanuvchisi hisoblanadi. Usmon Dembele jamoani tark etgach, joriy mavsumdan boshlab 16 yoshli futbolchi asosiy jamoaga o'tkazildi.