«Barselona» bosh murabbiyi Xavi Ispaniya kubogi 1/16 final bosqichi doirasida bo'lib o'tgan «Barbastro»ga qarshi o'yin borasida o'z fikrini bildirib o'tdi. «Biz yaxshi o'yin o'tkazdik. Birgina burchak zarbasi tufayli biz qiyin vaziyatga tushib qoldik. Burchak zarbasi tufayli sovrindan mahrum bo'lish hech gap emas. Bunday xatolar juda kam bo'lishi kerak. Biz to'pni nazorat qildik, ammo bunday vaziyatlarda g'alaba qo'ldan chiqib ketishi mumkin. Shunga qaramay, o'yin ijobiy taassurot qoldirdi», – dedi Xavi.