2024 yilning ilk kunlarida “Barselona” zaxira himoyachisi Inigo Martinesdan ayrildi. U Ispaniya superkubogi doirasida "Barbastro"ga qarshi o'yinda jarohat olgandi. O'sha uchrashuv “ko'k-anorranglilar”ning 3:2 hisobidagi g'alabasi bilan yakunlangan.

Tekshiruv natijalariga ko'ra, tajribali himoyachi chap sonining mushaklarini shikastlab olgan. Bu haqda "Barselona" matbuot xizmati xabar berdi.

Sport.es'ning qo'shimcha qilganidek, bunday jarohatda tiklanish taxminan bir oy davom etadi - 4-5 hafta.

Martines 32 yoshda, bu mavsumda u "Barsa" safida 11 ta rasmiy uchrashuvda maydonga tushdi.