"Barselona" vitse-prezidenti Rafa Yuste Joau Feliksning jamoadagi holati haqida o'z fikrlari bilan o'rtoqlashdi.

Portugaliyalik forvard bugun Ispaniya Superkubogi doirasidagi “Osasuna”ga qarshi o'yinni zaxira o'rindig'ida boshladi.

Mish-mishlarga ishonadigan bo'lsak, Xavi Ernandes 24 yoshli futbolchining xatti-harakati va o'yinidan qoniqmayapti.

“Joau juda xursand, u “Barselona” uchun foydali. Bizdek jamoani boshqarish juda qiyin, ammo Xavi nima qilayotganini biladi. Murabbiy barcha muhim o'yinchilarga kerakli vaqtda porlash imkoniyatini berishni talab qiladi.

Ishonchim komilki, Feliks klubimizda muvaffaqiyatga erishadi", - deya Yustening so'zlaridan iqtibos keltiradi Barca Universal.