"Barselona" bosh murabbiyi Xavi Ernandes jamoaning qolgan mavsumdagi maqsadlari haqida gapirdi.

“Biz tezda orqaga qaytishimiz va La Liga va Chempionlar Ligasida g'alaba qozonishni maqsad qilishimiz kerak. Bizda hali ikkita sovrin uchun imkon bor, ular uchun kurasha olamiz. O'ylaymanki, agar jamoa shu dam olish kunlarida "Vilyarreal"ni mag'lub etsa, futbolchilarning kayfiyati qaytadi", - dedi Xavi matbuot anjumanida.

Eslatib o'tamiz, “Barselona” chempionatda peshqadamdan 8 ochko ortda qolmoqda. Chempionlar ligasining 1/8 finalida "ko'k-anorranglilar" “Napoli” bilan to'qnash kelishadi.