Madridning "Real" klubi hujumchi Kilian Mbappening yozgi transferi ustida ishlashda davom etmoqda.

Relevo nashrining ma'lum qilishicha, "Los-Blankos" safida Mbappening jamoaga qo'shilishi hissi kuchaymoqda. Klubda Mbappe haqida tez-tez gapirilmoqda.

Shu bilan birga, "Real Madrid" prezidenti Florentino Peres Mbappening transferini "Barselona"ga ma'naviy zarba berish imkoniyati sifatida ko'rayotgani ta'kidlangan. Gap shundaki, kataloniyaliklar hozirda moliyaviy qiyinchiliklarni boshdan kechirmoqda va ular uchun futbolchilarni kelishga ko'ndirish qiyin bo'lib qoldi.

Xabaringiz bor, Kilian Mbappening "PSJ" bilan amaldagi shartnomasi joriy mavsum oxirigacha amal qiladi.