«Barselona» hujumchisi Vitor Roke «Alaves»ga qarshi o'yinda ikkinchi sariq kartochka tufayli maydondan chetlatilgandi.Uchrashuvni boshqarib borgan hakam Xuan Martines Munuera o'sha vaziyatda 18 yoshli futbolchi "podkat" tashlagan raqib futbolchisiga nisbatan qo'pol o'ynadi deb hisobladi va unga ogohlantirish berdi. Braziliyalik futbolchi biroz avval ham himoyachi Nauel Tenalya bilan to'qnashuvda sariq kartochka olgani uchun o'yinni oxirigacha davom ettira olmadi. «Barselona» Rokening ikkinchi ogohlantirish bo'yicha apellyatsiya berdi. Kataloniyaliklar bu vaziyatni "sariq"qa tortmaydi, deya hisoblashmoqda.