"Barselona"ning sobiq futbolchisi Per-Emerik Obameyang Kataloniya klubiga yangi bosh murabbiy tanlash borasida maslahat berdi.

Eslatib o'tamiz, Xavi mavsum yakunida “Barselona”ni tark etadi – yosh mutaxassis o'z qarorini ma'lum qilgan edi.

Obameyangning fikricha, "Barselona" iloji bo'lsa Yurgen Kloppni taklif qilishga harakat qilishi kerak.

Nemis murabbiyi yozda "Liverpul"ni tark etishi ma'lum.

“Klopp sizga hamma narsani, jumladan energiyani ham bera oladi. U ajoyib unvonlarni qo'lga kiritdi, u yaxshi murabbiy.

Agar "Barsa"da imkoniyat bo'lsa, bu juda yaxshi variant bo'lardi. Dortmundda u bilan o'zimni juda qulay his qildim.

Agar u "Barsa"ga kelsa aql bovar qilmas ish bo'lardi", - dedi Obameyang.