"Barselona" sport direktori Dekuning aytishicha, klub futbolchi Lamin Yamal 18 yoshga to'lishi bilanoq u bilan shartnomani uzaytiradi.

"Biz u 18 yoshga to'lishi bilanoq u bilan shartnomani uzaytiramiz. Biz bu yo'nalishdagi ishlarni o'tgan yozda boshlagan edik, Laminning amaldagi shartnomasida yana 3 yil bor, u 18 yoshga kirgach, biz yangi shartnoma tuzamiz", - deydi Deku. Bu haqda taniqli jurnalist va insayder Fabritsio Romano xabar berdi.

Yamal kataloniyaliklar tarbiyalanuvchisi bo'lib, 2023 yilning yozida "Barselona"ning asosiy jamoasiga qo'shilgan. Joriy mavsumda 16 yoshli futbolchi "ko'k-anorranglilar" safida barcha turnirlarda 32 ta o'yin o'tkazib, 3 ta gol va 5 ta golli uzatmani amalga oshirdi.