"Barselona" Dortmundning "Borussiya" klubi hujumchisi Karim Adeyemiga e'tibor qaratmoqda.

22 yoshli futbolchining o'zi ham Kataloniya klubida o'ynashni orzu qiladi. "Sport" xabariga ko'ra, germaniyalik futbolchining orzusi yaqin kelajakda amalga oshishi mumkin, chunki "Barselona" uning istiqbollarini yuqori baholaydi va uni potentsial transfer maqsadi deb biladi.

Karim Adeyemi joriy mavsumda “Borussiya” safida 18 ta o'yinda maydonga tushib, 2 ta gol urdi va shuncha golli uzatmani amalga oshirdi. Forvardning "asalarilar" bilan shartnomasi 2027 yilgacha mo'ljallangan va uning transfer qiymati Transfermarkt portali tomonidan 28 million evroga baholangan.