"Barselona" bosh murabbiyi Xavi "ko'k-anorranglilar"ning hujumkor yarim himoyachisi Frenki de Yong yozda sotilishi mumkinligi haqidagi mish-mishlarga javob berdi.

"Frenki biz uchun juda muhim futbolchi va unga klubda o'ynash qulay. Hozir bu haqda gapirishning vaqti emas. Mavsum tugashiga to'rt oy qoldi, biz uning ketishi haqida xabar bermayapmiz. Bizning fikrimiz La Liga va Chempionlar ligasiga qaratilgan", - dedi Xavi Mundo Deportivo bilan suhbatda.

Eslatib o'tamiz, avvalroq OAVda "Barselona" moliyaviy ahvolini yaxshilash maqsadida de Yongni shu yilning yozida sotishi mumkinligi haqida xabarlar tarqalgan edi.