Kataloniyaning "Barselona" klubi himoyachisi Ronald Arauxo moliyaviy inqirozda klubga katta yordam berayotgan yosh futbolchilarga hurmat bajo keltirdi.

"Barselona" iqtisodiy muammolardan aziyat chekmoqda, lekin baxtga yosh futbolchilar yordam berishmoqda. Yoshlar o'ynashga tayyor, hech narsadan qo'rqmaydilar. Ular mashg'ulotlarda yiqilib tushishadi, lekin keyin hech narsa bo'lmagandek o'rnidan turishadi", - dedi Arauxo.

“Barselona” ayni damda Ispaniya chempionatida uchinchi o'rinda bormoqda. Xavi Ernandes shogirdlari bilan birinchi o'rin o'rtasidagi farq 7 ochkoni tashkil etadi.