"Barselona"ning 16 yoshli vingeri Lamin Yamal jamoadoshlarida yaxshi taassurot qoldira oldi. Mundo Deportivo xabariga ko'ra, bir qator tajribali futbolchilar Yamalning qanchalik tez jamoa uchun muhim o'yinchiga aylana olganidan hayratda.

Manbaning ta'kidlashicha, darvozabon Mark-Andre ter Shtegen, yarim himoyachi Ilkay Gyundogan va hujumchi Robert Levandovski Laminning muvaffaqiyatidan ayniqsa hayratda.

Yamal Ispaniya chempionatining ushbu mavsumida uchta gol urdi va uchta golli uzatmani amalga oshirdi. Lamin o'z yoshida Ispaniya terma jamoasi safida ikkita gol urishga ham muvaffaq bo'ldi.