Kataloniyaning "Barselona" klubi yarim himoyachisi Frenki de Yong OAV tanqidlaridan xavotirlanmasligini aytdi.

Oldinroq niderlandiyalik futbolchi ispan OAVlarini mish-mishlar o'ylab topayotgani uchun tanqid qilgandi. Futbolchi maoshi va kelayotgan yozda "Barselona"ni tark etishi mumkinligi haqidagi ma'lumotni yolg'on deb atadi.

"OAV ba'zida mening o'yin darajamni tanqid qiladi, lekin men uchun bu muhim emas, chunki har kimning o'z fikri bor. Biroq, men yolg'onni qabul qilmayman. Yolg'on gapirmang", - dedi de Yong matbuot anjumanida.

Frenki bu mavsumda La Ligada 17 ta o'yinda maydonga tushib, 1 ta gol urdi. Niderlandiyalik futbolchi beshinchi mavsumini Ispaniyada o'tkazmoqda.