Frenki de Yongning "Barselona"dagi maoshi haqida ma'lumotlar paydo bo'ldi.

Eslatib o'tamiz, "Napoli" bilan o'yin oldidan o'tkazilgan matbuot anjumanida "Barsa" yarim himoyachisi jurnalistlarni maoshi borasida yolg'on gapirishda ayblagan edi.

Avvalroq futbolchining maoshi yiliga 40 million evro atrofida ekanligi aytilgandi.

Marca nashri xabariga ko'ra, futbolchi hech bir mavsumda bu miqdorga yaqinlashmagan. Bu va keyingi mavsumda de Yongning belgilangan maoshi soliqlardan oldin yiliga 18-19 million, shuningdek o'ynagan o'yinlar va g'alaba qozongan unvonlar uchun bonuslarni tashkil etadi. Bundan tashqari, ba'zi mavsumlarda u qo'shimcha bonuslar oladi. Ulardan biri, eng kattasi, to'qqiz million.

2020 yilda o'sha paytdagi prezident Xosep Bartomeuning iltimosiga ko'ra, futbolchi klubning pandemiya bilan bog'liq og'ir moliyaviy ahvoli tufayli to'lovlarning bir qismini kechiktirishga rozi bo'lgandi.

O'sha paytda uning maoshi yiliga 12 million edi. Bir mavsumda u atigi uchta, keyingisida esa to'qqiztasini oldi. U avvalgi shartnomasi bo'yicha so'nggi ikki mavsum uchun kechiktirilgan to'lovlar sifatida 12 million olgan.

2020 yilda de Yong shartnomasini ikki yilga uzaytirdi, niderlandiyalikning maoshi 18 millionga ko'tarildi.