"Barselona"ning 16 yoshli vingeri Lamin Yamal joriy mavsumda sezilarli kuchaydi. Jurnalist Fernando Polo bergan ma'lumotlarga ko'ra, iqtidorli ispaniyalik yozdan beri 7 kilogramm mushak massasini oshirgan.

Yamalning bo'yi ham 2,5 santimetrga oshdi. Kelajakda uning bo'yi kamida 180 santimetr bo'lishi kutilmoqda. Yamal mavsumoldi mashg'ulotlarida "PSJ"ga ketgan Usmon Dembeleni almashtirgan va bosh murabbiy Xavi Ernandesni hayratda qoldira olgan edi.

Ispaniya chempionatining ushbu mavsumida Lamin "Barselona"ning asosiy jamoasida doimiy o'yinchi bo'lib, 3 ta gol va assistentlik qildi.