Matbuotda Xavi qarorini o'zgartirsa, kelasi mavsumda "Barselona" bosh murabbiyi bo'lib qolishi mumkinligi haqida ma'lumotlar paydo bo'ldi.

Aytilishicha, Kataloniya klubi prezidenti Joan Laporta yosh mutaxassisga murojaat qilib, undan yana bir yil qolishini so'ragan.

Xavining amaldagi shartnomasi 2025 yilning o'rtalariga qadar mo'ljallangan. Biroq Xavi fikridan qaytmaydi.

Spanish Sport xabariga ko'ra, yosh mutaxassis ketishga qat'iy qaror qilgan, hattoki La Liga va Chempionlar ligasidagi g'alabalar ham uning qarorini o'zgartira olmaydi.

Qayd etilishicha, Xavi o'z qarorini natijalarga qarab emas, balki klubdagi vaziyatni chuqur tahlil qilgani uchun qabul qilgan. Masalan, Xavi "Barsa" sport tuzilmasida to'liq birlikni ko'rmayapti.