Michel Sanches "Jirona" Chempionlar ligasiga chiqish uchun kurashayotganini aytdi.

Jamoa bosh murabbiyi La Liganing "Malorka" bilan o'yinidan (0:1) so'ng o'z fikrlarini bildirib o'tdi.

"Bizda kamchiliklar ko'p edi va hujumda tajovuzkorlik etishmadi. Qiyin o'yin bo'ldi, shamol xalaqit berdi, o'ynash qiyin edi.

Umuman olganda, o'yin bir xilda, shiddatli o'tdi va bu o'zgarishlarning barchasi kichik tafsilotlar edi. Natijadan hafsalam pir bo'ldi, lekin jamoaning fidoyiligidan emas.

Bizning to'g'ridan-to'g'ri raqiblarimiz "Atletiko" va "Barselona" ekanligi aniq. Biz Chempionlar ligasiga chiqish uchun kurashni davom ettiramiz" - dedi Michel.