Ispaniyada La Liganing yigirma sakkizinchi tur o'yinlari boshlandi. “Barselona” o'z maydonida “Malorka”ni mag'lub etdi va uchrashuvdagi yagona gol Lamin Yamal tomonidan kiritildi.

So'nggi o'yin voqealarini Kataloniya superklubi ustozi Xavi Ernandes izohlab, jamoaning yangi yulduzi bo'lgan yosh Pau Kubarsini maqtadi.

"Pau juda matonatli himoyachi, u bugun himoyada xato qilmadi va men undan juda mamnunman. Lamin gol urdi, Pau esa himoyamiz mustahkamligini ta'minladi", - dedi Xavi o'yindan keyingi intervyusida.

Chempionatning navbatdagi turida “Barselona” Madridning “Atletiko” jamoasiga qarshi bahs olib boradi.