"Barselona" himoyachisi Ronald Arauxo "PSJ" va Kilian Mbappe bilan bo'lajak uchrashuv haqidagi savolga javob berdi. Kataloniyaliklar Chempionlar ligasining chorak finalida parijliklarga qarshi maydonga tushadi.

"Mbappe - ajoyib futbolchi va u mening fikrimcha yakkama-yakka duellarda eng xavfli o'yinchidir. Qaysi pozitsiyada o'ynashimni bilmayman, lekin uning fazilatlarini bilaman. "PSJ"da Dembele bor, u ham yakkama-yakka yaxshi o'ynaydi", deb yozadi ispan OAVlari Arauxoning izohlarini.