Kataloniyaning “Barselona” klubi markaziy himoyachisi Andreas Kristensen bo'lajak o'yinlarda Daniya terma jamoasiga yordam bermaydi.

Fodbold Landsholdet xabariga ko'ra, futbolchi kecha Ispaniya chempionati doirasidagi "Atletiko Madrid"ga qarshi o'yin oldidan mashg'ulot paytida olgan engil jarohati tufayli klub lagerida qoladi.

Qayd etilishicha, Kristensenning jarohatini jiddiy deb bo'lmaydi. Katta ehtimol bilan daniyalik xalqaro tanaffusdan so'ng bo'lajak o'yinlarda jamoasiga yordam bera oladi.