Kataloniyaning “Barselona” klubi yarim himoyachisi Fermin Lopes “PSJ”ga qarshi Evropa Chempionlar Ligasi chorak finalidan oldingi umidlari bilan o'rtoqlashdi.

Ispaniyalik futbolchi joriy mavsumda barcha turnirlarda 38 ta gol urgan Kilian Mbappe timsolida parijliklarning asosiy yulduziga qarshi o'ynashdan qo'rqadimi yoki yo'qligini ham aytib o'tdi.

“Mbappe qo'rqinchli futbolchimi? U "PSJ"ning eng xavfli o'yinchilaridan biri, ammo Usmon Dembeleni ham unutmang.

Bular ajoyib futbolchilar. Biz ularni to'xtatish uchun qo'limizdan kelganini qilishga harakat qilamiz", - dedi Lopes Sport nashriga bergan intervyusida.