"Barselona" vinger Rafinya Dias bo'yicha takliflarni tinglashga tayyor.

Kataloniya grandi moliyaviy qiyinchiliklarni boshdan kechirmoqda, shu sababli ular kelayotgan yozda ba'zi futbolchilar bilan xayrlashishga majbur bo'lishlari mumkin. Sotish uchun nomzodlardan biri - transfer bozorida talab yuqori bo'lgan Rafinya. Transfer News Live xabariga ko'ra, "Barselona" agar maqbul takliflar kelib tushsa, braziliyalik futbolchini sotishga tayyorligini bildirgan, biroq 27 yoshli futbolchining o'zi jamoadan ketishni istamayapti.

Transfermarkt portali Rafinya Diasning transfer qiymatini 50 million evroga baholamoqda. Mish-mishlarga ko'ra, Saudiya Arabistoni chempionati vakillari futbolchi uchun taxminan 100 million evro to'lashga tayyor.