Kataloniyaning "Barselona" klubi vingeri Lamin Yamal bosh murabbiy Xavi Ernandesning jamoada qolishini juda xohlamoqda.

"Agar Xavi qolsa xursand bo'laman. Rostini aytsam, men buni juda xohlayman. Menimcha, 16 yoshli yigit sifatida men hozir murabbiyning kabinetiga borib, undan qolishini so'ra olmayman. Shu bilan birga, menimcha, Xavi butun jamoa nimani xohlashini biladi. Biz uning qolishini istaymiz", - deya Yamaldan iqtibos keltiradi Barca Universal.

Aynan Xavi 16 yoshli Yamalga yozda "Barselona"ning asosiy jamoasida o'ynash imkoniyatini bergan. Lamin joriy Ispaniya chempionatida 4 ta gol va 3 ta golli uzatmaga ega.