Kataloniyaning "Barselona" klubi yarim himoyachisi Ilkay Gyundogan kelasi mavsumda "ko'k-anorranglilar"ning yangi murabbiyi bo'lishga tayyormi yoki yo'qmi degan savolga javob berdi.

"Xavidan keyin "Barselona"ning yangi murabbiyi bo'lamanmi? Men bilan hali hech kim aloqaga chiqmadi, lekin ko'ramiz. Agar shunday bo'ladigan bo'lsa, keyingi mavsumda kamdan-kam hollarda maydonga tushaman", - deya hazil qildi Gyundogan.

Ilkay o'tgan yozda "Manchester Siti"dan erkin agent sifatida "Barselona"ga o'tgan edi.