"PSJ" hujumchisi Kilian Mbappe "Barselona" bilan bo'lajak o'yinda vinger sifatida emas, balki markazda o'ynashi mumkin. Jamoalar chorshanba kuni Parijda Chempionlar ligasi chorak finalining ilk o'yinida o'zaro to'qnash kelishadi.

Mundo Deportivo xabariga ko'ra, "PSJ" bosh murabbiyi Luis Enrike "Barselona"ga qarshi o'yinda Mbappeni hujum markazida o'ynash maqsadga muvofiq deb hisoblaydi.

Joriy Frantsiya chempionatida Mbappe 26 uchrashuvda 24 ta gol urdi va 6 ta golli uzatmani amalga oshirdi.