"Barselona"ning sobiq yarim himoyachisi Ivan Rakitich agar vaqtni ortga qaytara olsa, jamoa yana 2-3 ta Chempionlar ligasida g'alaba qozonishiga ishonch bildirdi.

Rakitich "Barselona" bilan faqat bitta sovrinni qo'lga kiritgandi - 2014/15 yilgi debyut mavsumida. O'shanda Ivan "Yuventus"ga qarshi final uchrashuvida gollardan birini kiritgandi.

"Agar biz vaqtni ortga qaytarsak, "Barselona" hammasini tuzatadi va yana 2-3 ta Chempionlar ligasida g'alaba qozonadi. O'ylaymanki, futbolchilar o'yinlarga mas'uliyat bilan yondashadilar", - deya Rakitich so'zlarini keltiradi Jijantes.

Rakitich hozirda Saudiya Arabistonida “Ash-Shabab” safida to'p tepmoqda.