Kataloniyaning "Barselona" klubi yarim himoyachisi Ilkay Gyundogan yozgi transfer oynasida klubini o'zgartirishi mumkin. Todofichajes nashrining xabar berishicha, nemis futbolchisining xizmatlariga Saudiya Arabistoni chempionatining uchta klubi qiziqish bildirmoqda. Gap “An-Nasr”, “Al-Hilol” va “Al-Ittihod” haqida bormoqda.

Ilkayning "blaugrana" bilan 2025 yilning yoziga qadar shartnoma majburiyatlari bor. Futbolchining transfer qiymati 16 million evroga baholanmoqda.

Ispaniya chempionatining joriy mavsumida yarim himoyachi 30 ta o'yin o'tkazib, 5 ta gol va 6 ta golli uzatmani amalga oshirdi.