"Barselona" bosh murabbiyi Xavi Ernandes kelajagi haqida gapirdi. Yanvar oyi oxirida ispaniyalik mavsum yakunida jamoani tark etishini aytgandi, ammo rahbariyat endi mutaxassis yakunda fikrini o'zgartirishiga umid qilmoqda.

"Men "Barselona"da qolamanmi? 3 oy oldin siz mening kelajagim haqida qayg'urmadingiz, lekin hozir hamma narsa o'zgardi. Hozir eng muhimi Chempionlar ligasining yarim finaliga yo'llanmani qo'lga kiritish”, — dedi Xavi matbuot anjumanida.

Ernandes ketishini e'lon qilganidan beri “Barselona” barcha musobaqalarda 13 ta o'yin o'tkazdi. Jamoa bu uchrashuvlarda birorta ham mag'lubiyat alamini totib ko'rmadi.