"Barselona" darvozaboni Mark-Andre ter Shtegen jamoasi Chempionlar ligasidan chiqib ketgach, o'z his-tuyg'ulari bilan o'rtoqlashdi.

Kataloniya grandi 29-daqiqada ozchilikda qoldi.

"Bunday mag'lubiyat juda og'ir, chunki birinchi o'yindan keyin biz oldinga borishimiz mumkinligini his qilgandik.

Tablodagi natijani inkor etib bo'lmaydi, ammo biz yarim finalga chiqishga yaqin edik. O'n kishi bilan o'ynaganimizda ham gol urish uchun imkoniyatlarimiz bor edi, ammo imkoniyatlardan foydalana olmadik.

Qizil kartochka o'yinga asosiy ta'sirni ko'rsatmadi deb bahslashish befoyda. Endi biz tiklanib, bor e'tiborimizni La Ligaga qaratishimiz kerak", – dedi Ter Shtegen Sky Sports'ga.