"Bayer" mavsumni ajoyib o'tkazmoqda va allaqachon Germaniya chempioniga aylandi. Albatta, leverkuzenliklar jamoasining etakchi futbolchilari ko'zga ko'rindi va kelayotgan yozda tarkibni bir xil formada saqlab qolish "dorichilar"ga oson bo'lmaydi.

Marca nashri xabar berishicha, "Barselona" va "Real" qiziqishlari tufayli "Bayer" hujumkor yarim himoyachi Florian Virts uchun 150 million evro narx belgilagan.

Shu bilan birga, avvalroq "Bayer" bosh direktori Fernando Karro 20 yoshli Virts bu yozda jamoani tark etmasligini aytgandi.