"Barselona" yarim himoyachisi Ilkay Gyundogan Ispaniya La Ligasi 32-turidan o'rin olgan "Real"ga qarshi o'yin haqida gapirdi. Uchrashuv 21 aprel kuni bo'lib o'tadi.

"El-klasiko"ni intiqlik bilan kutmoqdamiz. “PSJ”ga qarshi o'yinda alamli mag'lubiyatga uchradik, ammo hozir bizni Evropa futbolidagi eng muhim o'yinlardan biri bo'lgan katta o'yin kutib turibdi.

“Real”ni mag'lub etish uchun avvalo o'z imkoniyatlarimizdan unumli foydalanish kerak. Bundan tashqari, ularning vaziyatlarini ham kamaytirishga harakat qilishimiz kerak. Tan olaman, ularning o'ziga xos fazilati bor – agar ularda birgina imkoniyat bo'lsa, hatto bu xavfli bo'lmasa ham, ular buni golga aylantira olishadi”, — deya Gyundoganning so'zlarini keltiradi COPE.