“Manchester Siti” yarim himoyachisi Bernardu Silva Frantsiya chempionatiga o'tishi mumkin. Xabarga ko'ra, "PSJ" 29 yoshli futbolchini o'z safiga qo'shib olmoqchi.

Parijliklar yarim himoyachi uchun "Barselona" bilan raqobatlashish niyatida. "PSJ" moliyaviy jihatdan "blaugrana"dan ustunlikka ega. Liga 1 chempionlarida Bernarduni sotib olish uchun mablag' bor, kataloniyaliklar esa bu borada qiynalmoqda.

Silvaning bozor narxi 80 million evroga baholanmoqda. Uning shartnomasi 2026 yilning yoziga qadar mo'ljallangan. Joriy mavsumda portugaliyalik futbolchi APLda 27 ta o'yin o'tkazib, 6 ta gol urdi va 4 ta golli uzatmani amalga oshirdi.