Yaqinda “Barselona” va “PSJ” Chempionlar ligasining chorak finalida o'zaro kurash olib borishdi.

Javob uchrashuvida Kataloniya jamoasi bosh murabbiyi Xavi hakamning qaroriga emotsional munosabat bildirgani uchun qizil kartochka oldi.

RMC Sport nashri o'sha uchrashuvdan qiziqarli videoni e'lon qildi.

Unda hakam Xaviga qizil kartochka ko'rsatgach, "PSJ" vingeri Usmon Dembele olqishlay boshlagani haqida lahza bor.

Futbolchining munosabati ijtimoiy tarmoqlarda muhokamaga sabab bo'ldi. Dembele avvalroq Xavi bilan birga ishlagan, biroq o'tgan yili u "Barselona"dan "PSJ"ga o'tishga qaror qilgan.