"Manchester Siti" bosh murabbiyi Pep Gvardiola yarim himoyachi Ilkay Gyundoganni "Barselona"ga o'tishiga ruxsat berganidan afsusda. Bu haqda jurnalist Gabriel Sans xabar berdi. Nemis o'tgan mavsumda "shaharliklar" sardori bo'lgan va jamoaning oltin treblga erishishiga yordam bergandi.

Mavsum yakunida Gyundogan "Manchester Siti" bilan yangi shartnoma imzolashdan bosh tortdi va erkin agent sifatida Kataloniyaning "Barselona"siga o'tishga qaror qildi. Gvardiolaning fikricha, klub yaxshiroq shartlarni taklif qilish orqali Ilkayni saqlab qolishi mumkin edi.

Xosep rahbariyat nemis futbolchisiga munosib o'rinbosar topa olmaganini ham tan oladi. Gyundogan joriy mavsum Ispaniya chempionatida 5 ta gol urdi va 7 ta golli uzatmani amalga oshirdi.