"Barselona" o'z himoyachisi Ronald Arauxoning klubdagi kelajagi borasida yakuniy qaror qabul qilishini kutmoqda, deya xabar beradi Mundo Deportivo.

Manba bergan xabarga ko'ra, Kataloniya klubi 25 yoshli futbolchiga unga ishonishini va uni boshqa himoyachi Pau Kubarsi bilan birgalikda ham hozirgi "Barselona" uchun ham, kelajak uchun ham muhim o'yinchi deb bilishini tushuntirgan.

Shuningdek, manbaning xabariga ko'ra, Arauxoning shartnomasini uzaytirish bilan bog'liq vaziyatni "Bavariya" va "Manchester Yunayted" kuzatib bormoqda.