"Barselona" bosh murabbiyi Xavining aytishicha, "ko'k-anorranglilar" ko'p jihatdan yaxshilangan va har qanday darajadagi jamoa bilan raqobatlashishga tayyor.

“Biz uch oy davomida juda yaxshi o'yin ko'rsatmoqdamiz. Biz ko'p jihatdan yaxshilandik va har qanday jamoa bilan raqobatlasha olamiz. Noqulay sharoitlar muhim daqiqalarda yaxshi harakat qilishimizga xalaqit berdi. O'ylaymanki, biz juda yaxshi futbol o'ynayapmiz, himoyaviy va boshqa barcha sohalarda yaxshilandik", - deya Xavi so'zlarini keltiradi Mundo Deportivo.

La Ligada "Barsa" 73 ochko bilan ikkinchi o'rinda bormoqda. Keyingi turda Xavi shogirdlari “Jirona”ga qarshi bahs olib boradi. O'yin 4 may, shanba kuni bo'lib o'tadi va Toshkent vaqti bilan soat 21.30da boshlanadi.