Yozda "Barselona" "Betis" hujumchisi Ayose Peresni sotib olishi mumkin. Diario AS xabariga ko'ra, 30 yoshli ispaniyalik futbolchining shartnomasida tovon puli 4 million evroni tashkil qiladi.

"Barselona" bu ko'rsatkichni maqbul deb hisoblaydi va transfer borasida jiddiy o'ylamoqda. "Lester" va "Nyukasl"ning sobiq futbolchisi Ispaniya La Ligasining so'nggi o'yinlarida 9 ta gol urdi va bitta golli uzatmani amalga oshirdi.

Ayosening o'yinlari "Barselona" rahbariyatida katta taassurot qoldirdi, ular futbolchini mavsum oxirida ijara muddati tugaydigan Joau Feliksning o'rniga taklif qilish haqida o'ylamoqda.