Juma kuni "Barselona" Xavini bosh murabbiy lavozimidan chetlatilganini e'lon qildi.

Yakshanba kuni yosh murabbiy "ko'k-anorranglilar" boshqaruvida so'nggi kunini o'tkazadi.

Ayni paytda Xavi ijtimoiy tarmoqdagi posti orqali bayonot berdi.

"Hurmatli muxlislar, mening “Barselona” bosh murabbiyi sifatidagi davrim yakshanba kuni tugaydi.

Sevimli klubimni tark etish hech qachon oson bo'lmaydi, lekin men uchun ikkinchi oiladek bo'lgan jamoani ikki yarim yil boshqarganimdan so'ng buni katta g'urur bilan bajaraman", - deb yozdi Xavi.

Xavi o'z so'zini davom ettirib, muxlislarga qo'llab-quvvatlaganliklari uchun minnatdorchilik bildirdi.

Mutaxassis "Barselona"ni muxlis sifatida qo'llab-quvvatlashini ta'kidlab, klubga yaxshi tilaklar bildirgan.