"Barselona" markaziy himoyachisi Pau Kubarsi ishdan bo'shatilgan Xavi Ernandesga minnatdorchilik bildirdi. Mutaxassis, juma kuni ma'lum bo'lganidek, Kataloniya grandi bosh murabbiyligidan bo'shatildi.

Aynan Xavi qo'l ostida 17 yoshli Kubarsi joriy mavsumda "blaugrana"ning asosiy tarkibiga kirdi.

“Janob, hayotim mazmuni bo'lgan klubda o'ynash orzumni ro'yobga chiqarishga ruxsat berganingiz uchun rahmat. Men sizdan doim minnatdorman. Kelgusida barchangizga omad tilayman", - dedi yosh futbolchi.

Pau Kubarsi "Barselona" asosiy jamoasi safida barcha musobaqalarda 23 ta o'yinda maydonga tushdi.