"Barselona" darvozaboni Mark-Andre ter Shtegen Xavining Kataloniya jamoasi bosh murabbiyligidan chetlatilishiga izoh berdi.

“Professional sifatida u bizga doim ko'p narsa berdi. U bizni muvaffaqiyatga erishish uchun har kuni ishladi va biz undan juda minnatdormiz. Shaxsiy darajada, u ko'p yillar davomida do'st bo'lib kelgan. Biz unga eng yaxshi tilaklarni tilaymiz, chunki u bunga loyiq", - deya Ter Shtegen so'zlarini keltirmoqda Mundo Deportivo.

24 may kuni Kataloniya klubi matbuot xizmati Xavi joriy mavsum yakunida "Barselona" bosh murabbiyligidan chetlatilganini e'lon qildi.

“Barselona” 85 ochko jamg'arib, mavsum yakuniga ko'ra La Liga turnir jadvalida ikkinchi o'rinni egalladi.