"Nyukasl" yarim himoyachisi Bruno Gimaraes yozda klubini o'zgartirishi mumkin. So'nggi paytlarda braziliyalik futbolchini "Barselona" bilan bog'lashmoqda. Mundo Deportivo xabariga ko'ra, 26 yoshli yarim himoyachining amaldagi shartnomasida "Barselona"ga tegishli alohida band bor. Ya'ni Gimaraesning Kataloniya klubiga o'tish boshqa klublarga qaraganda osonroq bo'ladi.

Eslatib o'tamiz, Transfermarkt portali mutaxassislari Bruno Gimaraesni 85 million evroga baholamoqda. 2023/2024 yilgi mavsumda braziliyalik futbolchi 50 ta rasmiy o'yinda maydonga tushib, 7 ta gol urdi va sheriklariga 10 ta golli uzatma berdi.