Dortmundning "Borussiya" klubi himoyachisi Yan Matsen Niderlandiya terma jamoasining Germaniyada bo'lib o'tadigan Evropa chempionatida "Barselona" yarim himoyachisi Frenki de Yongni almashtiradi, deb xabar beradi ESPN nashri.

Bir kun oldin de Yong to'pig'idan olgan jarohati tufayli Evro-2024da ishtirok etmasligi ma'lum bo'lgandi.

22 yoshli Matsen dastlab terma jamoaning turnir uchun dastlabki tarkibiga kiritilgan edi, ammo yakuniy ro'yxatdan joy olmagandi.

Niderlandiya Evro-2024ning ochilish o'yinini 16 iyun kuni Polshaga qarshi o'tkazadi.