Markaziy himoyachi Inigo Martines joriy transfer oynasida Kataloniyaning “Barselona” klubini tark etishi mumkin.

Agar "ko'k-anorranglilar" 33 yoshli futbolchi bilan xayrlashishga qaror qilsa, u holda futbolchi faoliyatini davom ettirish uchun faqat bitta variantni ko'rib chiqishga tayyor. Inigo "Barselona"ga o'tishdan oldin o'ynagan "Atletik Bilbao"ga qaytish niyatida.

Martinesning Kataloniya grandi bilan tuzilgan mehnat shartnomasi 2025 yilning iyun oyi oxirigacha amal qiladi. O'tgan mavsumda La Ligada Inigo 20 ta o'yin o'tkazib, 5 ta sariq kartochka oldi.