"Barselona" markaziy himoyachisi Ronald Arauxo bor e'tiborini Urugvay terma jamoasiga qaratgan.

24 iyun kuni urugvayliklar Amerika Kubogini panamalik raqiblarga qarshi o'yin bilan boshlaydi. Matbuot anjumanida jurnalistlar Arauxodan "Barselona"da qolasizmi yoki yo'qmi, deb so'rashdi, ammo markaziy himoyachi to'g'ridan-to'g'ri javob bermadi: "Hozir e'tiborimni Amerika Kubogiga qaratganman", - deya futbolchining so'zlarini keltiradi insayder Fabritsio Romano.

Ronald Arauxoning "Barselona" bilan shartnomasi ikki yildan keyin tugaydi va klub haligacha 25 yoshli futbolchini yangi shartnoma imzolashga ko'ndira olmadi.