Kataloniyaning "Barselona" klubi yangi bosh murabbiy Xans-Diter Flikning futbolchiga ishonch bildirganiga qaramay, polshalik hujumchi Robert Levandovski bilan erta xayrlashishi mumkin.

Todofichajes nashri xabariga ko'ra, 35 yoshli futbolchining shartnomasida uning mehnat shartnomasini bekor qilish imkonini beruvchi band bor. Agar Robert kelasi mavsumda "Barselona"ning 55% o'yinida maydonga tushmasa, buni amalga oshirish mumkin bo'ladi. Robertning "ko'k-anorranglilar" bilan amaldagi shartnomasi 2026 yilning o'rtalariga qadar tuzilgan.

U kataloniyaliklar safida 2022 yilning yozidan buyon o'ynamoqda. O'tgan mavsumda forvard La Ligada 35 o'yin o'tkazib, 19 gol urdi va 8 golga assistentlik qildi.