"Barselona" o'z hujumchisi Vitor Rokeni qanchaga qo'yib yuborishga tayyorligi ma'lum bo'ldi.

Diario Sport nashri xabariga ko'ra, Kataloniya klubi yosh braziliyalikni sotishdan 40 million evro ishlab olmoqchi. Qayd etilishicha, bu transfer "Barselona"ga Dani Olmo va Niko Uilyamslarni sotib olishini osonlashtiradi.

Avvalroq Saudiyaning "Al-Hilol" klubi 19 yoshli futbolchining transferi borasida "Barselona" bilan aloqaga chiqqani haqida xabar berilgandi.

Eslatib o'tamiz, Roke yil boshida “ko'k-anorranglilar” safiga kelib qo'shilgan, ammo jamoada o'z o'rniga ega bo'la olmagandi. Barcha turnirlarni hisobga olgan holda 16 uchrashuvda forvard faqat ikkita gol urgan.